"İmişli"nin qapıçısı Andrey Sinenka Rekord.az-a müsahibə verib:

- "Sumqayıt"a dramatik oyunda məğlub oldunuz. Öncə oyunla bağlı fikirlərini öyrənmək istərdil...

- Emosional oyun alındı. Gərgin keçdi. Oyun keyfiyyəti o qədər də yüksək deyildi. Öz tərəfimizdən bunu deyə bilərəm ki, o qədər də yaxşı oynamadıq. 

- Sonluq çox qalmaqallı oldu. Nə baş verdi?

- Bizim səhvimiz onda oldu ki, emosiyamızı oyunda qoya bilmədik. Standard vəziyyətlər, künc zərbələri və s. və s. Oyundan sonra baş verənlər olmamalı idi. Hisslərimizi qorumağı bacarmalıyıq. 

- Qaçırılan penalti ilə bağlı nə deyə bilərsən?

- Penalti penaltidir, vura bilmədik, təəssüf doğuran məqam odur ki, bu, neçənci dəfədir baş verir, amma bu da futbolda olan şeylərdi. Bunun üzərində işləmək lazımdır. 

- Mövsüm ərzində üçüncü dəfədir ki, penaltini qola çevirə bilmirsiniz. Bunun səbəbi nədir, psixoloji problemdi, yoxsa, məşqlərdə bunun üzərində çalışmırsınız?

- Yox, məşqlərdə çalışırıq. Penalti lotoreyadır, alınmayanda alınmır.

- Hətta üç dəfə?

- (gülür) olur. Ola bilsin hələlik uğur bizim tərəfimizdə deyil. 

- Sən özün vurmaq istəmirsən?

- Yox (gülür)

- Penaltini İbrahimin vuracağı öncədən danışılmışdı, yoxsa özü vurmaq istədi?

- İbrahim penaltini yaxşı vurur. "Sabah"la oyunda da o vurmuşdu. Komanda da ona güvənirdi. Sadəcə, alınmadı.

- Amma oyundan sonra dava saldı. Bu haqda onunla danışdınıq?

- Açığı həmin an nə baş verdiyini görmədim.