"Atletiko" ilə müqaviləsi bitdikdən sonra ölkəsinin "Nasyonal" klubuna keçən Luis Suares burada çox qalmayacaq.

Rekord.az xəbər verir ki, ulduz futbolçunun Uruqvay macərası cəmi 4 ay davam edəcək.

Bu barədə "Nasyonal"ın prezidenti Joze Fuentes məlumat verib:

"Noyabr ayında mövsüm bitir və Suares bizdən ayrılacaq. Razılığımız belə olmuşdu. İnsanları yanlış gözləntilərlə ümidləndirmək istəmirəm".

35 yaşlı hücumçu DÇ-2022 bitdikdən sonra yanvar ayından etibarən karyerasını yenidən Avropada davam etdirmək istəyir.