"Gərgin oyun alındı. Əsasən də, matçın sonu drammatik oldu. Bizim üçün üzücü alındı. Həftəiçi yaxşı hazırlaşmışdıq, yaxşı təhlillər etmişdik. Rəqibi təbrik edirəm".

Rekord.az xəbər verir ki, bu sözləri “Şamax”ının məşqçisi Elnur Çodarov Ayxan Abbasov Misli Premyer Liqasının 13-cü turunun “Sumqayıt”la oyunundan sonra keçirilmiş mətbuat konfransında deyib.

"Şamaxı" - "Sumqayıt" görüşünün sonlarında ev sahibi komandanın baş məşqçisi Ayxan Abbasov qırmızı vərəqə aldığı üçün konfransda onun köməkçisi danışıb.

Çodarov komandasının məğlubiyyətini bu cür şərh edib: "Konsentrasiya çatmadı. Əsasən də, künc zərbəsi zamanı".

O, həmçinin Ayxan Abbasovla Saşa İliç arasında yaşanmış mübahisəyə də toxunub: "Qoldan sonra rəqib komandanın baş məşqçisi biz tərəfə, daha dəqiq desək, Ayxan Abbasov tərəfə aqressiv jestlər etdi. Hadisə də oradan başladı. Gördüyüm bunlar idi. Onsuz da, həmin hadisədən sonra aləm qarışdı. Təbii ki, səbəbkar 100 faiz Saşa İliç idi".