"Sabah" klubunun avtobusu üçün yeni dizayn seçimi başa çatdırılıb.  

Rekord.az xəbər verir ki, bunun üçün azarkeşlər arasında klubun "Facebook" və "Instagram" hesablarında səsvermə keçirilib. 

Verilən səslərin cəminə əsasən B variantı qalib olub. Yeni dizaynda klubun loqosu ilə yanaşı, qələbə, müdriklik və ağıl rəmzi olan bayquş təsviri də əks etdirilib. Bildirilib ki, bayquş bəzi qədim mədəniyyətlərdə qələbə rəmzi hesab olunur.