PSJ qış transfer pəncərəsi üçün planlarını açıqlayıb.

Rekord.az xəbər verir ki, Paris təmsilçisi hazırkı heyətindən razıdır və yanvarda böyük transferlər gözlənilmir.

Buna baxmayaraq, klub “Benfika”dan iki 17 yaşlı oyunçuya – hücumçu Anisiu Kabrala və yarımmüdafiəçi Rafael Quintasa diqqət yetirir. Hər iki futbolçunun yayda PSJ-yə keçməsi ehtimalı var. Ancaq parislilər bu transferlər uğrunda “Mançester Yunayted” və “Mançester Siti” ilə rəqabət aparmalı olacaqlar.

PSJ cari mövsümün 16 turundan sonra Fransa çempionatında 36 xalla turnir cədvəlinin 2-ci pilləsində qərarlaşıb və lider “Lans”dan 1 xal geri qalır.