Argentina millisinin və "İnter Mayami" klubunun hücumçusu Lionel Messi ABŞ-nin əsas futbol liqası olan MLS-in müntəzəm çempionatında bombardir olub.

Rekord.az xəbər verir ki, mövsümün son oyununda "Neşvilla" ilə qarşılaşan "İnter Mayami" 5:2 hesabı ilə qalib gəlib.

Qarşılaşmada Messi het-trik edərək komandasının qələbəsində əsas rol oynayıb.

Bununla da o, 29 qolla çempionatın bombardiri adını qazanıb.

"İnter Mayami" Şərq Konfransında üçüncü yeri tutaraq pley-off mərhələsinə vəsiqə qazanıb.

Komanda bu raundda yenidən "Neşvilla" ilə qarşılaşacaq. Seriya iki qələbəyədək davam edəcək, ilk oyun oktyabrın 24-də Mayamidə keçiriləcək.

Qeyd edək ki, 38 yaşlı Messi 2023-cü ildən "İnter Mayami"nin heyətində çıxış edir.