Almaniyanın "Nürnberq" klubunun idman direktoru Joti Xatsialeksiu cari mövsümün sonunda Azərbaycan millisinin futbolçusu Mahir Emreli ilə vidalaşmalarına münasibət bildirib.

Rekord.az xəbər verir ki, 2-ci Bundesliqa təmsilçisinin rəsmisi bu barədə klubun saytına açıqlama verib.

O, 27 yaşlı hücumçuya gələcək karyerasında uğurlar arzulayıb:

"Müqavilə müddəti mövsümün sonunda bitəcək oyunçularla bağlı tez qərar vermək bizim üçün vacibdir. Mahirlə yaydan sonra münasibətlərimizi davam etdirməməyə razılaşdıq. Ona bu mövsüm göstərdiyi səylərə, xüsusən də fədakarlığına görə təşəkkür edirəm".

Emreli ötən ilin yayından “Nürnberq”də çıxış edir. O, cari mövsümdə Almaniya təmsilçisinin heyətində 23 oyuna 8 qol və 1 assistlə fərqlənib.