AFFA-nın yenidən Premyer Liqaya qaytardığı "Turan Tovuz" növbəti mövsümdən ev oyunlarına girişi pullu edəcək və hətta abunə biletlərin satışı da təşkil olunacaq.

Rekord.az xəbər verir ki, AFFA-nın təklifi ilə "Kəpəz" də eyni addımı atacaq.

Bu komandanın da ev oyunlarına girişin pullu olması nəzərdə tutulub. İlkin mərhələdə biletlərin qiymətinin 2 manat olması planlaşdırılır. Bundan başqa, Gəncə klubu da mövsümlük abunə biletlərin satışını həyata keçirəcək. Hazırda həmin biletlərin hazırlıq prosesi gedir. Bu işdə şəhər icra hakimiyyəti də yaxından iştirak edəcək.