İngiltərənin “Çelsi” klubu hücumçusu Armando Broxa ilə müqavilənin müddətini artırıb.

Rekord.az xəbər verir ki, bu barədə London təmsilçisinin mətbuat xidməti məlumat yayıb.

Albaniyalı futbolçu ilə 5 illik yeni müqavilə imzalanıb. Yeni müqaviləyə əsasən, 19 yaşlı forvard 2026-cı ilin yayına kimi “zadəganlar”ın uğurları üçün çalışacaq.

Armando Broxa 2009-cu ildən “Çelsi”dədir. O, 2020-ci ildən əsas komandaya da cəlb olunur. İngiltərədə dünyaya göz açan futbolçu artıq Albaniya yığmasına da dəvət alır. O, bu ölkənin əsas millisində 6 oyuna çıxıb.