Antalyada qış hazırlığını davam etdirən "Turan Tovuz" yeni legioner baxışdan keçirir.

Rekord.az xəbər verir ki, bu haqda sport24.az-a məlumat verən komandanın baş məşqçisi Ayxan Abbasovn kamerunlu yarımmüdafiəçi Erik Ayuku sınadıqlarını deyib: "Onu baxışa çağırdıq, artıq bizimlədi. Yaxşı karyerası var, sadəcə, 6 aydı klubsuzdu. İnşallah, yoxlayırıq, təlim-məşq toplanışının sonunadək bizimlə olacaq. İstəyirik ki, bir hücumameylli futbolçu transfer edək. Çünki ehtiyacımız var. Bilirik ki, vaxt azdı. Amma sonadək axtarışda olacağıq. Səhv eləmək də istəmirik. İstəyirk ki, istədiyimiz futbolçu tapaq".

Cinah yarımmüdafiəçisi olan 26 yaşlı Ayukun son klubu keçən yay ayrıldığı Misir "Frako"su olub. Onun karyerasında ən çox çıxış etdiyi klub Türkiyə "Ankaraspor"u olub. Belə ki, o, bu paytaxt təmsilçisinin heyətində 2018-21-ci illərdə 71 matçda 10 qola imza atıb. 

Xatırladaq ki, Tovuz təmsilçisinin Antalyada son sınağı yanvarın 17-də Polşanın “Qurnik” (Zabrje) klubuyla olacaq.