“Real”la düşməyimizi istəməzdim. Amma “Santyaqo Bernabeu”ya qayıtmaq sevindiricidir. Pandemiyaya görə vidalaşa bilməmişdim".

Rekord.az xəbər verir ki, bu sözləri PSJ-nin futbolçusu Serxio Ramos Çempionlar Liqasının 1/8 finalında "Real"a rəqib olmaları ilə bağlı danışarkən deyib.

İspaniyalı müdafiəçi 16 il çıxış etdiyi sabiq komandası ilə qarşılaşmanın arzuolunmaz olduğunu etiraf edib: "Qismət belə imiş PSJ ilə başqa bir komandanın qarşılaşmasını istərdim. “Real”a olan sevgimi və hörmətimi hamı bilir. Amma indi PSJ-nin müdafiəsi mənə etibar edilib və turu keçmək üçün mümkün olan hər şeyi edəcəyəm. PSJ üçün meydanda canımı qoyacağam”.

Qeyd edək ki, 1/8 finalın ilk görüşləri 2022-ci il 15 - 16 və 22 - 23 fevralda, cavab qarşılaşmaları 8 - 9 və 15 - 16 martda oynanılacaq.  Hələlik oyunların dəqiq tarixi açıqlanmayıb.