Türkiyənin “Qalatasaray” klubunun rəhbərliyi baş məşqçi Domenek Torrenə iki oyunluq vaxt verib.

Rekord.az xəbər verir ki, bu barədə Türkiyə mətbuatı məlumat yayıb.

“Sarı-qırmızılar” qarşıdakı oyunlarda qələbə qazana bilməsə, 60 yaşlı mütəxəssis istefaya göndəriləcək. “Qalatasaray” fevralın 21-də “Göztəpə”nin qonağı olacaq, fevralın 27-də isə “Rizəspor”u qəbul edəcək.

Torren Fatih Terimin istefasından sonra, yanvarın 11-də baş məşqçi təyin olunub. Komanda onun rəhbərliyi altında 5 oyundan ikisində məğlub olub, üçündə heç-heçə edib. İspan mütəxəssis İstanbul təmsilçisinin tarixinə startdakı ilk 5 oyunda qələbə qazana bilməyən ilk baş məşqçi kimi düşüb.