"Milan"ın baş məşqçisi Stefano Pioli yaxın vaxtlarda klubu ilə müqaviləni yeniləyəcək.

Rekord.az "Calciomercato"ya istinadən xəbər verir ki, tərəflər müqavilənin son detallarını razılaşdırırlar.

Müqavilənin gələn həftə rəsmən elan edilməsi planlaşdırılır.

Mütəxəssislə 2+1 illik sözləşmə imzalanacaq. Piolinin maaşı illik 3,5 milyon avro və əlavə olaraq bonuslar olacaq.

Qeyd edək ki, "Milan" bu mövsüm A Seriyasında 12 oyunda 10 qələbə qazanıb və 2 heç-heçə edib.