“Liverpul”un sabiq futbolçusu Cordan İbe karyerasını Türkiyədə davam etdirəcək.

Rekord.az xəbər verir ki, 26 yaşlı cinah oyunçusu “Adanaspor” klubuna keçib.

Bu barədə 1-ci liqa təmsilçisinin mətbuat xidməti məlumat yayıb. İbe ilə 3.5 illik müqavilə imzalanıb.

Son olaraq İngiltərənin “Derbi Kaunti” klubunda çıxış edən İbe, 2011-2016-cı illər aralığında “Liverpul”un formasını geyinib.