2022-ci ildə keçiriləcək futbol üzrə klublararası dünya çempionatının püşkatma mərasimi keçirilib.

Rekord.az xəbər verir ki, İsveçrənin Sürix şəhərində baş tutan tədbirdə ilk 3 mərhələdə, yarımfinal və finalda üz-üzə gələcək cütlüklər müəyyənləşib.

UEFA Çempionlar Liqasının son qalibi olan “Çelsi” (İngiltərə) və Libertadores Kubokunun son sahibi “Palmeyras” (Braziliya) mübarizəyə yarımfinal mərhələsindən başlayacaq.

Birinci mərhələ

1. “Əl-Cəzirə” (Birləşmiş Ərəb Əmirlikləri) - “Oklend Siti” (Yeni Zelandiya)

İkinci mərhələ

2. “Əl-Hilal” (Səudiyyə Ərəbistanı) - “Əl-Cəzirə”/”Oklend Siti”
3. “Əl-Əhli” (Misir) - "Monterrey" (Meksika)

Yarımfinal

4. “Palmeyras” (Braziliya) - 3-cü matçın qalibi
5. 2-ci matçın qalibi - “Çelsi” (İngiltərə)

Birləşmiş Ərəb Əmirliklərində (BƏƏ) təşkil olunacaq klublararası dünya çempionatına gələn il fevralın 3-də start veriləcək. Turnirin final görüşü, eləcə də 3-cü yer uğrunda oyun 12 fevralda baş tutacaq.