Çempionlar Liqasında 1/4 final mərhələsinin cavab oyunlarından sonra həftənin ən yaxşı qolu açıqlanıb.

Rekord.az UEFA-nın rəsmi saytına istinadən xəbər verir ki, “Real”ın futbolçusu Rodriqonun “Çelsi”yə vurduğu qol ən yaxşı seçilib.

21 yaşlı futbolçu 80-ci dəqiqədə Luka Modriçin ötürməsindən sonra topu saxlamadan, birbaşa qapıdan keçirib.

Xatırladaq ki, oyun “Real”ın 2:3 hesablı məğlubiyyəti ilə bitib. Londondakı ilk matçda 3:1 hesabı ilə qalib gələn “kral klubu” yarımfinala yüksəlib.