Çempionlar Liqasında həftənin ən yaxşı futbolçusunun adı açıqlanıb.

Rekord.az UEFA-nın rəsmi saytına istinadən xəbər verir ki, PSJ-nin hücumçusu Kilian Mbappe bu ada layiq görülüb.

Fransalı futbolçu səsvermədə Bernardu Silva ("Mançester Siti"), Məhəmməd Kamara ("Zalsburq") və Vircil Van Deyki ("Liverpul") qabaqlayıb.

Qeyd edək ki, Mbappe 1/8 finalın "Real"la ilk matçının (1:0) əsas vaxtına əlavə olunmuş 4-cü dəqiqədə qələbə qolunu vurub.